Is Dil Ne Teray Baad Muhabbat Bhi Nahi’n Ki

Is Dil Ne Teray Baad Muhabbat Bhi Nahi’n Ki

Is Dil Ne Teray Baad Muhabbat Bhi Nahi’n Ki

Is Dil Ne Teray Baad Muhabbat Bhi Nahi’n Ki

Urdu Poetry !

Is dil ne teray baad muhabbat bhi nahi’n ki
Had ye k dharakney ki jasaarat bhi nahi’n ki
Tabeer ka aizaz hua hai usey haasil
Jis ne mery khuwabo’n mein sharakat bhi nahi’n ki
Ulfat tou barri baat hai hum se to sir-e-sheher
Logo’n ne kabhi dhang se nafrat bhi nahi’n ki
Aadab-e-safar ab wo sikhatay hain jinho’n ne
Do chaar qadam tay ye musaafat bhi nahi’n ki
Kia apni safai mein bayaa’n daity k hum ne
Nakarda gunaho’n ki wazahat bhi nahi’n ki
Khamosh tamashaai k manind sir-e-bazm
So zakhm sahay dil pe, shikayat bhi nahi’n ki
Us ghar k sabhi log mujhy chorrney aaye
Dehleez talak us ne ye zehmat bhi nahi’n ki
Us ne bhi ghulam’on ki safo’n mein humain rakha
Is dil pe kabhi jis ne hakoomat bhi nahi’n ki. . !

BY DECENTBOY

Please Comment Your Thoughts & Feelings About The Ashar Of Decentboy Your Comments Will Be Highly Appreciated Plus It Will Be Fuel For Us To Do More Creative Work. Critics About The Post Will Also Be Answered & Considered For Future Posts.If You Have Any Request Please Let Us Inform And We Will Try To Post Your Request.

Posted in Poetry Tagged with: